O CDR O Viso comeza un novo curso de Educación Infantil na Limia

Karla

Ao largo do día de hoxe atopeime cunha noticia relacionada coa Educación Infantil que me pareceu interesante para compartir neste proxecto que hoxe comezo.

Ao ler a noticia chamoume moito a atención que nun pobo relativamente pequeno, comparado con Ourense por exemplo, tivera unha acollida tan grande este proxecto que xa se iniciou xa con anterioridade.

Creo que é unha iniciativa moi boa para os máis pequenos e pequenas da casa, xa que desta maneira as familias son partícipes non so no ámbito do fogar, senón que tamén se involucran de maneira activa nunha preparación escolar que durará ao longo de moitos anos.

As nais e pais son os primeiros coidadores na vida de un neno ou nena, e desta forma poden seguir eles un modelo que neste novo curso lle poden ensinar profesionais cualificados.

Ademais paréceme que é unha forma que lle axuda a que a entrada ás escolas infantís ou ben ao colexio para os cursos de educación infantil sexa menos traumática xa que con esta iniciativa os nenos poden ir acostumándose aos coidadores coa ventaxa de que os seus proxenitores estean alí.

Por outra parte que estea financiado polo Ministerio da a entender que a educación e o ensino cada vez conta con miles de posibilidades máis modernas e adaptadas ao noso tempo e que outros colectivos se estean dando de conta.