Os prexuízos de xénero e a roupa das crianzas.

Karla

Atopeime este vídeo nas redes sociais e creo que, dentro do portfolio que estou a realizar, isto merécese unha entrada.

Os pais desta nena de tan so 5 anos subiron este vídeo no que a pequena, nun día de compras cos seus proxenitores da unha gran lección ás grandes industrias téxtiles e a todo o mundo en xeral.

Mirando as camisetas de nenos e nenas, a nena dáse de conta de algo que a primeira vista parece insignificante: Os mensaxes das camisetas. Mentres que as dos nenos poñen cousas como ‘Se aventureiro’ ‘Loita polos teus soños’ etc. as das nenas poñen cousas como ‘Hey!’ ‘Guapa’ e cousas polo estilo.

Por que as nenas simplemente teñen que ser guapas mentres que os nenos teñen que ser aventureiros e loitar polos seus soños?

A reacción da nena foi coller as camisetas masculinas e poñelas na sección de nenas, cousa que me resultou moi graciosa pola curta idade da pequena.

Ninguén ten que dicirlle a ninguén se ten que ser guapo, ou aventureiro, os nenos, e tamén o adultos teñen que ser o que queiran ser, sen que ninguén lles poña uns patróns so por unha simple diferenza fisiolóxica.

Se os nenos non teñen ningún prexuízo por culpa de nacer neno ou nena, Por que os adultos e industrias millonarias teñen que impoñerllo? Quen se cren para facelo?

Espero que cousas como estas se erradiquen canto antes e so nos fixemos na persoa, que o final é o que importa. E sobre todo, que aprendamos dos nenos.