Comezamos a viaxe

Noemí

Hoxe atópome moi ilusionada con esta nova etapa na miña vida, cursando unha FP de educación infantil, por moitos motivos, mais aquí, gustaríame falar fundamentalmente de un.

Motivoume moito o feito de coñecer, como programa cada asignatura o mestrado que me impartirá os módulos deste curso. Durante todos os meus anos como alumna de escolas, colexios, institutos e universidades (todas elas públicas), o método de ensino foi moi distinto ao que agora me presentan os meus mestres. Clases maxistrais nas que non se buscaba a participación do alumnado, a alternativa é a busca dunha aprendixaxe a través da experiencia e non só da teoría, adquisición de coñecementos a través da reflexión e non só de xeito mecánico ou memorístico, traballo en grupo fronte ao individualismo...

Unha asignatura que non acabo de entender é FOL, non lle atopo sentido a un módulo como este, nunha formación específica de educación infantil. A educación no noso país, ten moito de política (por desgraza) e relaciono que prioriza estes coñecementos, antes que outros moitos, aos que lle poderíamos dedicar ese tempo e que son moito máis importantes na nosa profesión. Cada persoa, unha vez, obteñamos esta formación, seguirá o seu camiño. Se se incorpora ao mundo laboral, debería preocuparse por ter coñecementos básicos neste campo; se decide montar unha empresa, o mesmo, informarase antes de como facelo, como contratar aos seus traballadores etc.

Por hoxe nada máis. En resumo: moita emoción e gañas!!