‘La terapia musical puede ayudar a los niños a lidiar con vacunas de inmunización’
Karla
Onte saíu esta noticia que, brevemente, vén a dicir que
os nenos que reciben unha terapia musical mentres se lles pon unha vacina están
menos estresados e isto axúdalles a ‘esquecerse’ da dor desta.
Por outro lado, os pais tamén estaban menos estresados e
isto transmitíanllo tamén aos seus fillos, cousa que aos pequenos tamén lles
axuda.
Paréceme que este estudio, aínda que a priori pode
parecer unha tontería e algo sen moita relevancia, no fondo é algo moi
importante para a sociedade e para os nenos.
Unha simple vacina, que para un adulto pode ser un
trámite sen ningunha relevancia, para os nenos é algo que incluso lles pode
crear un trauma.
Que de repente o leven a un sitio que non coñece, que
vexan a alguén vestido coa bata branca e que apareza cunha agulla e lle poña
unha vacina pode ser un momento terrible, cheo de berros, choros, medos e
angustias.
Que se intente facer máis levadeiro este proceso é unha
idea moi boa e que pode axudar ao neno a entender as cousas.
Tamén, pensando neste estudo, ocórreseme a idea de que
non debía ser un simple proceso de chamar ao neno a consulta, pinchalo e que se
vaia; senón que dependendo da idade do neno debíase intentar explicarlle o que
vai pasar, resolverlle as dúbidas que teña e facerllo algo máis divertido e non
tan aséptico e triste.
Agardo que estudos como este aparezan a moreas para poder
facerlle aos pequenos a vida un pouco máis ‘doada’ e poder facer que entendan o
mundo novo e descoñecido que os arrodea.
Comentarios
Publicar un comentario